Ester Sveinbjarnardóttir

Ester Sveinbjarnardóttir er skyggn frá fæðingu og var henni leiðbeint af fjölskyldumeðlimum sem sjálf höfðu þessa einstöku hæfileika sjáanda, einnig hefur hún fengið leiðsögn að handan og svo hjá góðu andlegu fólki eins og Sigríði (Siddý) Jörundsdóttur, Friðbjörgu Óskarsdóttur og Þórunni Björgu Sigurðardóttur.

Hún miðlar ættingjum og vinum, heilar og hleypir að hjálpendum að handan. Notar kristalkúlu, tarot og rúnir. Einnig er hún með fyrrilífa dáleiðslur sem geta losað út verki, ofnæmi, lofthræðslu eða tengt við jákvæðar minningar úr fyrri lífum.

Ester er með BS í Alþjóðamarkaðsfræði, skattalögfræðingur og hefur mest af starfsævinni fengist við viðskipti, en jafnframt nýtt sér hæfileika sína sér og öðrum til hjálpar.
Hún er stofnandi Miðlun að Handan og hefur gefið út þó nokkrar hugleiðslur á íslensku.
Það er líka hægt að sjá henni bregða fyrir í nokkrum íslenskum kvikmyndum í aukahlutverkum.

Ester hefur frá árinu 2012 verið með bænabók og fyrirbænir, hjálpað sálum að komast yfir í ljósið þar sem fólk hefur orðið fyrir óþægindum vegna áreiti þeirra. Við heilun hefur Ester sterkar tengingar við þau sem störfuðu í jarðvist sinni við heilsu og heilbrigði fólks.

Ester segist einungis verða vör við kærleika og góðvild frá þeim sem kvatt hafa þessa jarðvist og telur algjör forréttindi að fá að ljá þeim rödd sína og hendur.